Ұлттық жобалар мен тұжырымдамалар бойынша жұмыс орындарының бірыңғай платформасы

Қазақстанда азаматтардың өмір сүру сапасы мен табысын арттыруға бағытталған 14 тұжырымдама, 3 ұлттық жоба және 2 кешенді жоспар іске асырылуда.

Бұл — балабақшалар, мектептер, емханалар мен ауруханалар салу, қалалар мен ауылдарды абаттандыру, жаңа өндірістер, кәсіпкерлікті қолдау және цифрландыру есебінен экономиканы дамыту сияқты әлеуметтік инфрақұрылымды дамытудың практикалық жоспарлары.

Осы жобалардың басты нәтижесі — қазақстандықтар үшін жаңа жұмыс орындарын құру және олардың әл-ауқатын арттыру.

Жобаларды іске асыру үшін жұмыс берушілердің кадрларға деген қажеттілігі жоғары: әртүрлі салаларда, білімі бар және білімі жоқ, әртүрлі мерзімге әртүрлі дайындықтағы мамандар қажет.

Платформада барлық өңірлердегі ірі кәсіпорындар мен шағын және орта бизнес өкілдерінің өзекті бос жұмыс орындары — мамандығы, ұсынылатын жалақысы және талап етілетін дағдылары көрсетіліп орналастырылған.