Субсидияланатын жұмыс орындары дегеніміз не?
Жұмыс берушілер кәсіпорында субсидияланатын жұмыс орындарын құрып, мансап орталығында тіркелген жұмыссыздарды қабылдай алады. Жұмысқа орналасқан жұмыссыздардың жалақысын мемлекет еңбек мобильділігі орталығы арқылы толық немесе ішінара төлейді.
- Жұмыс берушілерге қойылатын ең төменгі талаптар:
- қызметін 1 жылдан астам жүзеге асырып келе жатқан жұмыс істеп тұрған кәсіпорын
- салықтар және басқа да төлемдер бойынша берешегі жоқ
Қандай субсидияланатын жұмыс орындарын аша аласыз?
Қоғамдық жұмыстар
12айЖұмыссыздарды уақытша жұмыспен қамтамасыз ету үшін еңбек мобильділігі орталықтарымен жасалған шарттар бойынша ұйымдастырылатын әлеуметтік пайдалы жұмыс. Мысалы, абаттандыру жөніндегі жұмысшы, курьер, құжаттанушы және т.б.
- Ұзақтығы
- 12 айдан аспайды
- Жалақы
- 24 АЕК-тен төмен емес, еңбек мобильділігі орталығы толық өтейді
Әлеуметтік жұмыс орындары
12айЕңбек мобильділігі орталығымен жасалған шарт негізінде жұмыс беруші құратын уақытша жұмыс орны.
- Жұмыссызға қойылатын талаптар
- жұмыс беруші белгілейді
- Ұзақтығы
- 12 айдан аспайды
- Жалақы
- жұмыс беруші белгілейді, еңбек мобильділігі орталығы ішінара өтейді, бірақ 24 АЕК-тен аспайды (жалақының 35%-ы – мемлекеттен, 65%-ы – жұмыс берушіден)
Жастар практикасы
12айКәсіп (мамандық) бойынша алғашқы тәжірибе алу мақсатында жастарға арналған жұмыс. Еңбек мобильділігі орталықтарымен жасалған шарттар негізінде ұйымдастырылады.
- Жұмыссызға қойылатын талаптар
- оқуын 5 жылдан аспайтын уақыт бұрын аяқтаған және алған мамандығы бойынша жұмыс өтілі жоқ колледждер мен ЖОО түлектері
- Ұзақтығы
- 12 айдан аспайды
- Жалақы
- 30 АЕК-тен кем емес, еңбек мобильділігі орталығы толық өтейді
Күміс жас
36ай50 жастан асқан адамдар үшін еңбек мобильділігі орталығымен жасалған шарт негізінде жұмыс беруші құрған жұмыс орны. 36 ай өткеннен кейін жұмыс беруші зейнеткерлік жасқа дейінгі адамдарға зейнетке шыққанға дейін, зейнеткерлік жасқа толмаған адамдарға кемінде 1 жыл тұрақты жұмыс орнын береді.
- Жұмыссызға қойылатын талаптар
- 50 жастан асқан адамдар (зейнеткерлік жасқа дейін)
- Ұзақтығы
- 36 айдан аспайды
- Жалақы
- жұмыс беруші белгілейді, еңбек мобильділігі орталығы ішінара өтейді, бірақ 30 АЕК-тен аспайды (алғашқы 12 ай – 70% – мемлекеттен, 30% – жұмыс берушіден; 13-тен 24 айға дейін – 65% – мемлекеттен, 35% – жұмыс берушіден; 25-тен 36 айға дейін – 60% – мемлекеттен, 40% – жұмыс берушіден)
Бұл қалай жұмыс істейді?
Өтінім берілгеннен кейін:
- 1Еңбек мобильділігі орталығы шешім қабылдайды
- 2Сіз еңбек мобильділігі орталығымен шарт жасайсыз
- 3Мансап орталығы немесе азаматтар (өз бетінше) Сіздің бос жұмыс орындарыңызға үндеу жібереді
- 4Сіз қызметкерлермен еңбек шарттарын жасайсыз
- 5Сіз ай сайын мәліметтер ұсынасыз, ал еңбек мобильділігі орталығы қызметкерлеріңіздің жалақысын төлейді
Шартты тексеру
Еңбек мобильділігі орталығымен жасалған субсидияланатын жұмыс орындарын ұйымдастыру және қаржыландыру туралы шарт.